Tamayo malaking kawalan sa UP
MANILA, Philippines — Aminado si University of the Philippines head coach Goldwyn Monteverde na malaking kawalan si Carl Tamayo sa Fighting Maroons para sa susunod na season ng UAAP men’s basketball tournament.
Hindi lamang player kundi anak ang tila nawala sa veteran mentor dahil matagal din ang pinagsamahan ng dalawa.
“Carl has been part of our lives since he was 13. And I can say he is really selfless, always putting the team before himself, showing great character both on and off the court,” ani Monteverde sa kanyang social media account.
Nilisan ni Tamayo ang Fighting Maroons upang maglaro para sa Ryukyu sa Japan B.League.
Malaking tulong ito para masuportahan ni Tamayo ang kanyang pamilya.
At umaasa si Monteverde na madadala ni Tamayo ang lahat ng kanyang natutunan sa bagong team.
“I am always amazed at his incredible determination, passion, and his desire to always be the best version of himself for the team,” ani Monteverde.
Kasama ni Monteverde si Tamayo sa Nazareth School of National University.
Nang lumipat si Monteverde sa UP ay isinama niya si Tamayo.
Malalim ang pinagsamahan ng dalawa.
“I will miss his company because more than just my player, Carl is family. I am honored to be his coach for many years,” dagdag ni Monteverde.
- Latest