Doce Pares daghan og kasikas sa 2023
CEBU, Philippines — Ang nabantog nga Doce Pares nangandam sa usa ka hugot nga iskedyul sa 2023 samtang ila sab nga gilantaw ang ilang mga nabuhat sa miaging tuig uban ang mapasigarbuhon nga dughan.
Atol sa selebrasyon sa ika-90 nilang founding anniversary niadtong Biyernes, Disiembre 30, ang presidente sa Doce Pares nga si Supreme Grandmaster Arnulfo "Dong" Cuesta mihisgut sa ilang mga nakab-ot sa tuig 2022 diin ang labing prominente mao ang malampuson nilang pagpahigayon sa 16th World Eskrima Kali Arnis Federation (WEKAF) Championships didto sa Mandaue City Cultural and Sports Complex niadtong Hulyo.
"As we mark our 90th founding anniversary, we take pride for being among the very few martial art organizations that has not only lasted this long but has also contributed greatly to the promotion of Filipino Martial Arts worldwide," matud pa n SGM Cuesta.
Ning bag-ong tuig, si Cuesta mipadayag nga daghan kaayo sila og pagabuhaton lakip na niini ang serye sa mga seminars karongh Mayo didto sa Hungary, Poland, Germany, ug Netherlands aron palig-onon ang relasyon sa mga miyembro sa Doce Pares didto sa Uropa ug ingon man tukion ang ilang curriculum.
Dayon sa Oktubre 19-21, nakahan-ay na ang ilang Grandmasters seminar nga giulohan og "Tapok-Tapok Eskrimador 2023-Doce Pares Multi-Style System" sa Bayfront Hotel.
Sa laing bahin, gi-anunsiyo ni Cuesta atol sa espesyal nga okasyon nga mohatag sila og college scholarships sa upat ka mga kabus apan angayan tabangan nga mga estudyante nga mga disipulo sa Doce Pares.
- Latest
