Rambol sa naga karong adlawa

CEBU, Philippines —  Si kanhi two-time world champion Vic "Vicious" Saludar (21-6, 11KOs) sa Polomolok, South  Cotabato misaad og usa ka eksplosibo ug makalingaw nga away sa dihang iyang sangkaon si

Ariston "Double A" Aton (9-5, 5KOs) sa Cagayan de Oro City sa main event sa "Rumble in

Naga" karong adlawa didto sa Enan Chiong Activity Center sa dakbayan sa Naga, habagatang

bahin sa Sugbo.

Maangkon sa 10 ha hugna nilang kumbati maoang bakanting Asian Boxing Federation (ABF)

minimumweight title.  Si Saludar, nga kanhi naghari sa WBA ug WBO 105-pound division,

nagkanayon nga iyang gamiton ang away nilang Aton isip hagdanan pagkab-ot sa iyang tinguha

nga mamahimong world champion og usab sa umaabot.    "Plano gyud nako nga ma-world champion

og balik," matud pa ni Saludar. "Mao nang maningkamot ko nga manindot akong duwa ug buhaton

nako tanan kutob sa ako mahimo aron modaog."

"Dili ko makasulti kon ako ba siyang ma-knockout kay maabot ra na siya sa away,"dugang pa

sa 32-anyos nga si Saludar, nga mopakita'g aksiyon sa Naga sa ikatulong higayon. Sa

supporting bouts sa kulbahinam nga aksiyon nga gipasiugdahan sa Naga LGU ubos sa liderato

ni mayor Val Chiong inabagan sa Championship Development Boxing of the Philippines, sila si

 Speedy Boy Acope, Johnro Taneo, ug Jeson Mopon sa Butlig Promotions makigharong nilang

Jhonrey Lauza Domingag sa Zamboanga del Sur, Marlon Alejandro saMandaue City, ug Grant

Elorza sa Butuan City, samtang si Michael Adolfo sa Prime Stag Sports makigpinaksitay ni

Anthony Galigao sa Bohol.

Lain pang mokumbati ning makalingaw nga pasundayag nga gipaluyohan sab sa Prime Stag Sports

Promotions ug Butlig Promotions mao sila si Cherwellab Cantel vs Mark Anthony

Rotilles;Jakeson saludar vs Jimpaul Dignos;Raffie Jamero vs Joebert Dacullo;George Sedillo

vs Dondi Lariosa Janonillo; ug Keir Toregosa vs Henry Flor.