Trinidad mikab-ot og laing dungog
Ang Sugbuanong wakeboarding sensation nga si Raphael ‘Raph’ Pilapil Trinidad mihatag na sab og kadungganan sa iyang mga kababayan human siya milabni og silver medal sa men's open division sa 2022 International Wakeboard and Waterski Federation (IWWF) Singha World Cable Wakeboard and Wakeskate Championships ning bag-ohay pa lamang didto sa ESC Thai Wake Park sa Phatumthani, Thailand.
"It feels so good. I may not have nabbed the gold this time but this win represents the culmination of hard work, determination and a lot of support from the Philippine wakeboard community and my family," matud pa ni Trinidad, nga mitapos sa ikaduhang dapit sunod ni gold-medal winner Max Milde sa Germany. Ang pambato sa Thailand nga si Peeranat Faktongyu maoy mibira sa bronze.
Malipayon ang 20-anyos nga si Trinidad nga gitupngan ang makasaysayanon niyang kalamposan tulo ka tuig na ang milabay.
Niadtong 2019, ang garbo sa Liloan, Cebu mikulit sa iyang pangan sa bato sa dihang nahimo siyang labing unang Pinoy nga naka-podium sa world wakeboard championship human nalandigsa ikaduhang puwesto sa ika-10 nga edisyon sa prestihiyosong torneyo didto sa Pampa Cable Park sa Buenos Aires, Argentina.
"This only shows that the country has world-class athletes when it comes to this sport. Our hope is to make wakeboarding mainstream and inspire more riders. Hopefully we would also get more government support as we grow along," padayag pa ni Trinidad kansang tirada sunod bulawan nang medalya.
- Latest
