RW Freight unang kampiyon sa Lycans Basketball League
CEBU, Philippines — Gi-sweep sa RW Freight ang Truck N' Trail Transport Services Inc., 107-105, sa ilang best-
of-three finals series aron paglugwa nga labing unang kampiyon sa Lycans Basketball League
(LBL) niadtong weekend didto sa Cebu Port Authority (CPA) gym. Gikan sa pagsugod hangtud sa
hilimatyong segundos sa mainit ug pisikal nga aksiyon, ang duha ka kampo sikit kaayong
nagkumbati.
Sa dihang mikalma na ang unos, ang RW Freight nakaipsot ngadto sa dos puntos nga kadaogan
sa kulbahinam kaayong sangka. Gisaw-an nilang Carlo Camacaylan ug Ajie Villaver ang
dungog alang sa RW Freight human sila nagkumbinar og 49 puntos. Naka-angkon sila og igong
nga suporta gikan nilang Phil Mercader ug Jerico Cortes nga mipupo og 18 ug 16 puntos. Si
Dwight Dabon midugang og 10 puntos timaan sa balanseng ataki sa RW Freight.
Si John Velasco maoy nangu sa Truck N' Trail bitbit ang 34 puntos. Si Khen Tibudan mi-iskor
og 17, sila si Jeric Gonzaga ug Bensan Aropo nagkumboya'g 29 puntos samtang si Matt Grafilo
mitali og 11 puntos sa pilderong kawsa.
- Latest
