AEG, Punisher, I.28 Realty nagmadaogon
CEBU, Philippines — Ang Team AEG, Punisher ug I.28 Realty nakalingkawas sa malisud nga hagit gikan sa tagsa-tagsa nila ka mga kontra sa Hoop Nation Arlon Cup Season 1 niadtong weekend didto sa City Sports Club-Cebu gym.
Si Lemuel Aspacio mitali og 12 puntos uban ang lima ka rebounds ug duha ka assists sa dihang ang AEG nakaipsot sa Brothers, 61-55, alang sa ikawalo nilang daog sud sa 11 ka duwa. Miposte si Nico Sacay og 17 puntos apan way nahimo gumikan kay ang Brothers natagak sa 3-9.
Sa laing bahin, si Christian Gallarde mipupo og 25 puntos, unom ka rebounds ug walo ka assists sa dihang giwani sa Punisher ang 5 Joints, 78-72, samtang si Kirk Ducante mipaulbo og 32 puntos, upat ka assists ug duha ka steals aron pangulohan ang I.28 Realty ngato sa 79-75 nga pagpakaging sa Tera.
Ang Punisher ug I.28 Realty pareho na karong nagtangag og 6-7 nga baraha.
Sa laing resulta, ang Cougars mibungkag sa Dextructures, 56-49.
Si Kimji Bayona mikadlit og 20 puntos, duha ka rebounds ug duha ka assists alang sa Cougars, nga mirehistro sa ikaupat nilang daog nga giatbangan og pito ka pilde.
- Latest
