Anak ni Hontiveros ipaparada ng La Salle
MANILA, Philippines — Ipaparada ng EcoOil-La Salle ang anak ni dating PBA shooting guard Dondon Hontiveros sa pagsagupa sa Builders Warehouse-UST sa 2022 PBA D-League Aspirants’ Cup sa Smart Araneta Coliseum.
Sasalang si Isaiah Blanco-Hontiveros para sa Green Archers sa pagharap sa Growling Tigers ngayong alas-10:30 ng umaga.
Ang 6-foot-3 left-handed guard ang gumiya sa University of Cebu Junior Webmasters sa korona ng Cebu Schools Athletic Foundation Inc. (Cesafi) noong 2018.
Sa ikalawang laro sa alas-12:30 ng tanghali ay magtutuos ang Marinerong Pilipino at Apex Fuel-San Sebastian.
“Lahat ng sumali ngayon kayang manalo ng championship, so importante para sa amin to compete every game,” sabi ni coach Yong Garcia sa kanyang Skippers na ipaparada si 3x3 veteran Jollo Go at sina Mapua Cardinals standouts Paolo Hernandez, Brian Lacap at Warren Bonifacio.
Itatapat naman ng Golden Stags sina Ichie Altamirano, Ken Villapando at Romel Calahat.
- Latest
