Heat nanghinayang sa pagkakataon
MIAMI - Dismayadong pinunit ni Heat center Bam Adebayo ang kanyang jersey sa paglabas niya ng court matapos ang pagtunog ng final buzzer.
Hindi naman naitago ni Fil-Am head coach Erik Spoelstra ang kanyang kalungkutan sa pagtatapos ng kanilang season makaraang masibak ng Boston Celtics sa Game Seven ng Eastern Conferece finals kamakalawa.
Iisipin ng Miami team ang kanilang mga naging pagkakamali sa nasabing ‘rubber match’ na nagpasok sana sa kanila sa NBA Finals sa ikalawang pagkakataon sa huling tatlong seasons.
“You fight so hard, throughout the season, ups and downs, injuries, disrespect and you still find a way to come this close,” ani Adebayo. “It’s rough.”
Itinala ng Miami ang best record sa East sa kanilang 53-29 mark sa regular season.
Nagawa nila ito kahit wala silang player na naiboto sa All-NBA teams.
“We just wanted a crack at it. A crack at Golden State, and just find out, you know, as competitors. I love this group. This team was here to compete for a title. In that regard, I think we lived up to those expectations,” ani Spoelstra. “But we fell short. We’ll never know, and that’s the part that we’ll have to live with.”
Iniligtas ni Jimmy Butler ang Heat sa pagkakasibak sa Game Six nang umiskor ng 47 points laban sa Celtics.
May 35 markers naman siya sa kabiguan nila sa Game Seven.
“We had enough,” wika ni Butler. “Next year, we will have enough and we’re going to be right back in the same situation, and we’re going to get it done.”
Kung nanalo ang Miami sa Boston sa Game Seven ay dehado sila sa Golden State Warriors sa NBA Finals na sisimulan sa Biyernes sa San Francisco.
May mga injury sina NBA Sixth Man of the Year Tyler Herro, P.J. Tucker at Kyle Lowry.
“You don’t know how many more opportunities you will have to get back to this, so for me, honestly, it was a waste of a year,” sabi ni Lowry.
- Latest
