Celebrity All-Star vs ex-CESAFI players mosikad sa Next Gen Hoops
CEBU, Philippines — Usa ka exhibition game tali sa Celebrity All-Star ug kanhi mga bitoon sa Cebu Schools Athletic Foundation, Inc. (CESAFI) maoy mosikad sa Next Gen Hoops for Youth karong adlawa diha sa Cebu Coliseum.
Ang notadong aktor nga si Cesar Motano ug ang iyang anak nga si Diego Loyzaga maoy mangu sa celebrity players sa seguradong atngan nga sangka sa alas-5 sa hapon.
Libre kining maong pasundayag sa publiko.
Sila si Montano ug Loyzaga makig-uban Cebu City Vice Mayor Dondon Hontiveros, kanhi PBA players Vince "The Prince" Hizon, Mark "Big Mac" Andaya, ug Gherome Ejercito, ug ang Gilas nga si Lebron Lopez.
Nagkumpleto sa Celebrity All-Star lineup mao sila si Nicole De Los Reyes, Christian Palma, Christian Singson, Gene Padilla, Flying Bambam, Kenny ug Toffi Santos, ug Hap Rice.
Ilang banggaon ang mga kanhi CESAFI ballers nga sila si Shaq Imperial, Miguel Gastador, Dyll Roncal, John Lucena, Winston Perez, Roy Quiachon, RJ Dinolan, Renzo Galdo, Jerick Canada, Eroll Pastor, Terrence Francisco, Jayson Balabag, Kirby Bersaluna, Jonathan Manalili, ug Mark Sanchez.
Sa pasiunang duwa sa alas-3 sa hapon, si Hontiveros mao sab ang mangu sa Fighter Wine nga makigharong batok sa ARQ Sports.
- Latest
