Kaluhang Nieto mituman damgo sa ilang amahan
CEBU, Philippines — Ang kaluhang Matt ug Mike Nieto mituman sa damgo sa ilang amahan kapin sa tulo ka dekada na ang milabay. Si Matt mipirma og tulo ka tuig nga kontrata sa NLEX Road Warriors niadtong Martes sa gabii, samtang ang igsoon niyang si Mike misilyo og duha ka tuig nga kasabotan uban sa Rain or Shine Elasto Painters sa PBA.
Samtang ang matag usa sa ilang pamilya malipayon sa duha ka kanhi Ateneo players sa pagkab-ot sa ilang damgo nga makaduwa sa labing unang propesyonal nga liga sa Asya, wa lain nga labing mapasigarbuhon kanila kondili ang ilang amahan nga si Jet Nieto.
Si Jet Nieto nangambisyon sab kanhi nga makatikang sa PBA ug hayag kaayo ang posibilidad nga makasud siya sa pro ilabi na kay mahinungdanon ang papel nga iyang gikuptan sa dihang nakampiyon ang Ateneo sa UAAP sud sa duha ka sagunson ngs seasons niadtong 1987 ug 1988. Apan naglaraw sab siya nga mamahimong doktor niadtong higayona ug sa kinauwahian iyang gihatagan og prayoridad ang edukasyon kay sa basketball.
Tuod man si Jet Nieto nahimong usa ka doktor isip usa orthopedic surgeon apan gibati siya og tumang garbo ug kalipay ning higayona gumikan kay ang duha niya ka mga anak maoy mihatag og katumanan sa dugay na kaayo niyang gipangandoy. "It's always been the dream, not only for me, but also for my family, especially my dad," matud pa ni Matt.
"Hindi kasi nag-PBA si daddy. Gusto niyang maging doctor," dugang pa ni Matt. "Yun na siguro yung greatest regret niya kaya gusto niya, bata pa lang kami, mag-PBA na kami. This is it. We're living his dream also."
- Latest
