Sanman boss dili iparang si Bornea vs Ancajas
CEBU, Philippines — Ang way pildeng Pinoy super flyweight contender nga si Jade "Hurricane" Bornea milansang sa labing dako nga daog sa iyang karera pinaagi sa 3rd round knockout batok ni Moroccan-Italian Mohammed Obbadi sa ilang IBF eliminator niadtong weekend didto sa Arena Jose Sulaiman sa Monterrey, Mexico.
Si Bornea, usa sa mga pambato sa Sanman Gym nga toa magbase sa General Santos City, mipatupa og makusog nga left uppercut ngadto sa tunga-tungang bahin sa tiyan nga nakapalukapa ni Obbadi sa hingpit sa oras nga 1:25 sa ikatulong hugna.
“I promised my team and my countrymen that I will take win in an exciting fashion. And thank God I did. It was a great game plan and I sticked to it. Obaddi was strong but I can handle his shots. I was waiting for a perfect opening and I found it in the third round. He has a good chin but I sensed I could hurt him more with a body shot. I look forward for a title shot soon," matud pa ni Bornea.
Gawas nga miinat sa perpekto niyang record ngadto sa 17-0 uban ang 11KOs, ang 26-anyos nga si Bornea nahimo sab nga mandatory challenger sa kabababayan niyang IBF super flyweight champion nga si Jerwin "Prerry Boy" Ancajas.
Apan si Sanman CEO Jim Claude "JC" Manangquil, ang promoter ug manedyir ni Bornea, mipadayag ning sayo pa lamang nga dili siya interesado nga iparang si Bornea batok ni Ancajas, nga gidala sa MP Promotions.
“Now that Jade is in the prime spot at the rankings, it will be easier to look for bigger fights for him. We will take our time. We will sit down and discuss the options," dason pa ni Manangquil.
- Latest
