1st Mayor Joyjoy Alegado Shootfest karong weekend

CEBU, Philippines — Andam na ang tanan alang sa pagpahigayon sa 1st Mayor Joyjoy Alegado Shootfest nga gikatakda karong weekend, Nobiyembre 20-21, didto sa NS Shooting Range sa Barangay Danglag, Consolacion.

Si NS Shooting Range manager ug part-owner Rosan Mayol mipadayag nga ang duha ka adlaw nga tinirahay usa ka Philippine Shooters and Match Officers Confederation, Inc. (PSMOC)-sanctioned trophy match nga gilangkoban og lima ka stage ug dunay minimum round nga 132.

"We are holding this event as a sign of our gratitude to the beloved mayor (Joyjoy Alegado) as he warmly embraced us when we transferred to Consolacion from Mandaue," matud pa ni Mayol.

"Various professional sport shooters in Cebu and neighboring provinces, civilians, lawmen and national law enforcement coordinators are expected to join in the competition," dugang pa ni Mayol.

Gawas sa mga tropeyo, souvenir shirts ug pagkaon, ang uban pang mga galastuhon pagpadagan sa torneyo giabaga sab sa LGU Consolacion.

"That is why we are very thankful to mayor Alegado for his all-out to us," dason pa ni Mayol.  Ang rehistrasyon nagkantidad og P1,200 apil na niini ang paniudto ug permit aron makadala sa matag armas sa mga entrante.

Isip bonus sa mga partisipante, duha ka ka Taurus G3 9mm pistol ang i-raffle, usa niini kortesiya gikan ni kongresista Sonny Lagon sa Ako Bisaya partylist. Alang sa dugang impormasyon, mahimong mokontak ni Mayol (0915-6661402) o bisitaha ang Facebook page sa NS Shooting Range.