Watanabe nasugamak sa judo
CEBU, Philippines — Ang Filipino-Japanese judoka nga si Kiyomi Watanabe napakyas sa iyang Olympic debut. Kini human siya gibuntog ni Cristina Cabana Perez pinaagi sa ippon (full point) sud lamang sa 38 segundos sa ilang sangka sa women's -63kg judo Round of 32 sa nagpadayong 2020 Tokyo Oympics didto sa Japan.
Gumikan niini, napapha ang tinguha ni Watanabe nga makadaog og medalya alang sa Pilipinas.
Si Watanabe, kansang inahan nga si Irene Sarausad lumad gikan sa dakbayan sa Toledo, maoy nagkupot sa bandila sa Pilipinas atol sa pagbukas sa Tokyo Olympics kauban ang boksidor nga si Eumir Felix Marcial.
Mi-qualify siya sa Tokyo 2020 pinaagi sa continental quota.Misakmit siya og upat ka gold medal sa Southeast Asian (SEA) Games ug nakabira og silver sa 2018 Asian Games.
- Latest
