TNT, Magnolia nagmadaogon
CEBU, Philippines — Ang beteranong si Jayson Castro mikadlit og 17 puntos, si Poy Erram dunay 15 puntos ug 11 ka rebounds samtang si Troy Rosario mitimbre og 14 puntos ug 11 ka rebounds sa dihang gipakaging sa TNT ang Terrafirma Dyip, 86-79.
Wala sab magpabitin ang Sugbuanong si Roger Pogoy nga mitampo og 10 puntos alang sa Tropang Giga ubos sa pagtimon ni Chot Reyes, nga mibalik og coach sa PBA team sa labing unang higayon sukad niadtong 2012.
"We've just taken our first step as a team today. Kami, we're really starting from scratch," dason pa ni Reyes, nga lima ka higayon nahimong Coach of the Year uban sa TNT.
"This is really our first experience, coming together to play as a team," dugang pa ni Reyes. "So the little things, amuyan, chemistry, kindatan sa loob, parang malayo pa kami roon. We still have a lot to learn."
Si Aldrech Ramos maoy nangu sa pilderong Terrafirma uban ang 17 puntos.
Sa laing aksiyon, sila si Calvin Abueva ug Paul Lee mikuha og atensiyon sa dihang gibugha sa Magnolia ang Phoenix Super LPG, 80-73.
Si Abueva mikolekta og 26 puntos ug 10 ka rebounds samtang si Lee mikimada og 21 puntos, unom ka rebounds ug duha ka assists alang sa Hotshots.
Ang Hotshots wala na molingi pa sukad nakalabaw sila og tres puntos, 76-73, sa nahibilin nga 49 segundos. Duna pa untay tsansa ang Phoenix nga makatabla apan nangasipyat ang gipangtira nga tres nilang Justin Chua ug RJ Jazul.
- Latest
