116 siklista papadyak sa PhilCyclingRoad Trials
MANILA, Philippines — Sisimulan sa Sabado ang PhilCycling National Trials for Road sa Clark Freeport and Special Economic Zone sa Pampanga tampok ang kabuuang 116 siklista —98 lalake at 13 babae.
Nakalatag sa national trials ang individual time trial (ITT), criterium at massed start events.
“We will be witnessing competitive cycling right on Day 1 of the Trials and with the road races set for Sunday, this event is one compact competition,” sabi ni Philippine Olympic Committee (POC) at PhilCycling president Rep. Abraham ‘Bambol’ Tolentino.
Sa Sabado ay pepedal ang 13 women riders sa distansyang 17.1 kilometro para sa ITT sa karerang inihahandog ng Standard Insurance, Smart, MVP Sports Foundation, Bases Conversion Development Authority sa pamumuno ni Secretary Vince Dizon at ni Ret. Brig. Gen. Manuel Gaerlan ng Clark Development Corp.
Matapos ito ay 54 male cyclists naman ang papadyak sa 24.6-km loop na magiging lugar din para sa road races sa Linggo.
Bibitawan naman sa Sabado ng hapon ang criterium sa 2.3-km perimeter ng Clark Parade Grounds.
Ang Clark races na suportado ng Go for Gold, Chooks-to-Go, GAC Motor (official mobility partner), Gatorade (official sports drink), Versa (communications partner), 7-Eleven, Le Tour de Filipinas, 7-Eleven, UBE Express Inc., Powerade, Wilkins, Coca-Cola, Shimano, Bike-X at MadCrank ay ang ikalawang trials na idaraos ng PhilCycling matapos ang MTB Trials sa Danao City noong Hunyo.
- Latest
