Yaw-Yan mosugod na sa ilang tinuig nga summer clinic
CEBU, Philippines — Sa tinguha nga makahulma og mga dekalibreng martial artists uban ang dungganang kinaiya, si Yaw-Yan ArDigma founder Master Benigno 'Ekin' R. Caniga Jr., motingub sa values development sa skills training sa ilang mga tinun-an sa ilang tinuig nga summer clinic sugod karong adlawa diha sa Yaw-Yan headquarters nga nahimutang sa ikaupat nga andana sa Coast Pacific Downtown Center, buyon sa UC-main sa dalan Sanciangko, Dakbayan sa Sugbo.
"Being a good martial artist is not just about skills. The most important thing is showing respect and humility to others, treating every person with decency and kindness," matud pa ni Master Ekin, kinsa mao sab ang pangulo sa Muay Thai Association of the Philippines-Visayas.
"Respect and martial arts are interwined. That is the reason why we are having "Values Development Through Sports" as theme for our Yaw-Ya ArDigma Summer Clinic 2021," dugang pa niya.
Niadtong interesadong moapil sa usa ka bulan nga clinic nga himuon ubos sa estriktong patakaran sa panglawas ug kaluwasan, mahimong mopili sa ilang gusto nga oras alang sa training sud sa upat ka alternatibong sesyon gikan sa alas-9 sa buntag hangtod sa alas-9 sa gabii. Magpadayon pa ang enrollment. Alang sa dugang mga detalye, mahimong mokontak sa 0943-6568900.
- Latest
