Mallari, Reyes nahimo na karon nga free agents

CEBU, Philippines — Nahimo na karon nga free agents sila si Alex Mallari ug Jay-R Reyes human nakigbulag sa dalan sa Phoenix Super LPG Fuel Masters.    

Gipasalamatan sila sa Phoenix sa ilang pagserbisyo sa prangkisa, ilabi na sa miaging tuig nga playoff atol sa PBA Philippine Cup    bubble.    

Si team manager Paolo Bugia nikompirmar nga ang duha ka magduduwa pulos na karon free agents human ang management nakadesider nga buhian sila  sa miaging rookie draft.

Sumala pa sa Phoenix, nga ang hukom nahimo atol sa Semana Santa.

Ang Phoenix executive mihulagway nilang Mallari ug Reyes isip mga propesyonal.

“Suwerte nga kami sa mga players namin, kapag nakikita nila yung situation, they understand. We’re very blessed to have them,” matud pa ni Bugia.

Sila si Mallari ug Reyes niduwa sa Phoenix nga diriyot  kataak sa finals sa unang higayon sa kasaysayan sa prangkisa atol sa Philippine Cup bubble.

Napilde ang Fuel Masters ngadto sa TnT Tropang Giga sa "do-or-die" Game 5 sa semifinals human niposte og 2-1 nga bentaha.