Milo Phils. milusad sa ilang bag-ong programa
CEBU, Philippines — Ang Milo Philippines nga nakamugna na og daghang mga kampiyon gumikan sa ilang mga programa, milusad sa ilang labing bag-ong kampanya nga may makahuluganong slogan "Mula Noon Hanggang Ngayon, Tuloy Ang Pagiging Champion!."
Sukad sa pagsugod niini niadtong 1964, ang Milo Philippines malampuson sa ilang mga kampanya sama sa summer clinics, marathons, Olympics-style events, ug uban nga nagsilbeng taytayan alang sa batan-ong mga atleta aron makab-ot ang ilang mga pangandoy sa kinabuhi.
“We launched this new campaign because this is very relevant given the ongoing pandemic,” matud pa ni Nestle Phl-Milo Assistant Vice President Lester P. Castillo sa usa ka virtual press conference pinaagi sa Zoom niadtong Miyerkules sa buntag. “It’s more of an inspirational message to help encourage Filipinos find a way to stay active at home.”
Miapil sab sa kalihukan si coach Ral Rosario, ang two-time Olympian sa swimming ug Sancho Ilustre, ang outstanding swimmer sa Milo Little Olympics nga nidaog og medalya sa 2019 Southeast Asian Games (SEAG). Sa ilang bag-ong palimbasog, si Castillo nihatag og katin-awan nga pangandoy nilang banhawon ang bulawanong mga adlaw sa bantugang Pinoy nga mga atleta uban ang paglaum nga makadasig sa ilang bag-ong henerasyon sa mga atleta aron mosunod sa ilang mga lakang ug mohatag og dungog sa nasud ugma damlag.
Gawas nilang Rosario ug Ilustre, si Castilllo mihisgot sab nilang three-time Olympic swimmer Akiko Thomson, legendary gymnast Bea Lucero, taekwondo champion Japoy Lizardo, volleyball icon Alyssa Valdez ug basketball star Chris Tio, ubang pang masidlakong mga produkto nga sumbanan sa ilang katuyoan.
“They are an embodiment of athletes who stood the test of time. They’re being idolized. The younger generation of athletes look up to them as role models and inspiration as they try to achieve their ambitions,” sumala pa ni Castillo. “Let us help one another to help the younger ones to be the best that they can be. Let us keep the champion spirit alive.”
- Latest
