Omega Boxing dunay back-to-back events sa Marso

CEBU, Philippines — Buot sa Omega Pro Sports International (OPSI) nga sugdan ang bag-o nilang tuig sa pamuksing  pinaagi sa usa ka masipang buto.

Mao kini ang hinungdan nga mopahigayon sila og duha sa sunod-sunod nga promosyon sud sa usa ka adlaw diha sa IPI Sports and Recreation Complex, Dakbayan sa Mandaue sunod bulan.

"We're going to stage another two-part boxing show on March 27. In all, we're planning to have at least four promotions this year," matud pa ni OPSI Vice President Jerome Calatrava.

"Honestly, it's difficult and very challenging to hold an event given the current situation. Hopefully some restrictions will be eased out in the future but then again we are committed to follow the necessary health and safety protocols for the welfare of everybody. Afterall, we are doing this not only to give our boxers some activity but also to provide hope and livelihood to all those who are involved in boxing especially during this time," dugang pa niya.

Si Calatrava mibutyag nga ang mosalida sa buena-mano nilang dalit ning 2021 mao ang duha ka pambato sa Omega Gym nga sila si WBO/WBC No. 9 light flyweight contender Mark 'Thunder' Vicelles (12-0-1, 6KOs) ug  featherweight prospect Peter Apolinar (13-1, 8KOs).

Si Vicelles, lumad gikan sa Lebak, Sultan Kudarat, mipatikangkang ni Junuel Lacar sud lamang sa upat ka hugna sa bugtong niyang away sa miaging tuig nga gihamok sa pandemiya, samtang ang taga-Makati City nga si Apolinar mihaw-as gikan sa duha ka sagunson nga daog batok nilang Jetro Pabustan ug Danny Tampipi.