Rose kuhaon balik sa Knicks

CEBU, Philippines — Uyon ang New York Knicks sa usa ka 'trade' uban sa Detroit Pistons ug kuhaon nila'g balik ang kanhi No. 1 overall pick sa 2008 nga si Derrick Rose.

Ang Knicks mohatag ni Dennis Smith Jr. ug sa 2021 second-round pick  ngadto sa Detroit, matud sa usa ka tinubdan ngadto sa Associated Press sa kondisyon nga dili magpaila tungod kay wala pa mahingpit ang kasabotan. 

Maghatag usab kini og dalan aron magkauban og balik sila si Rose ug coach Tom Thibodeau.

Si Thibodeau mihimo sa iyang unang coaching job uban sa Chicago Bulls niadtong 2010 uban ni Rose isip team captain. Si Thibodeau nakahipos og 62 ka daog sa iyang unang season uban ni Rose nga niadtong higayona maoy MVP.

Nahimong free agent si Rose human sa maong season

Ang 32-anyos nga si Rose nag-average og 14.2 points ug 4.2 assists sa 15 ka niya mga duwa sa Pistons karong nga season, apan wala na makaduwa bisan kausa sukad niadtong Enero 30. Ni-average siya og 18.7 points, 5.6 assists ug 3.4 rebounds sa iyang 611 career games.

Bitbit ang 11-13 nga baraha, ang Knicks kasamtangang nahimutang sa ikapitong dapit sa Eastern Conference standings.

 Ang Pistons adunay 5-18 record ug napilde sa ikaupat ka sunod-sunod nga higayon.