De La Hoya makig-rematch ni Mayweather
CEBU, Philippines — Interesado si retired six-division champion Oscar De La Hoya nga makigsangka ni Floyd Mayweather Jr. sa ikaduhang higayon kon pananglitan siya mobalik og away.
Ang duha nagsangka niadtong 2007 diin si Mayweather ang nidaog pinaagi sa 'split decision' aron sakmiton ang WBC world junior middleweight title.
Nahisgutan sab ni De La Hoya si Saul 'Canelo' Alvarez nga posibli niyang kasangka, apan nausab ang iyang huna-huna human si Mayweather nidaog sa Mehikanong boksidor sa ilang sangka niadtong 2013.
Ang 43-anyos nga si Mayweather katapusang niaway sa usa ka exhibition batok ni Tenshin Nasukawa niadtong Disyembre 31, 2018 ug nidaog pinaagi sa 'stoppage' sa unang hugna. Si Mayweather (50-0, 27KOs), gikatakda nga moaway og laing exhibition batok ni Youtuber Logan Paul (0-1 record isip usa ka professional boxer) karong Pebrero 20 sa wala pa matino nga binyu.
- Latest
