E-Painters, Hotshots managlahi ang tumong
CEBU, Philippines — Managlahing tumong ang namugnaw nga Rain or Shine Elastro Painters ug sa nanginit nga Magnolia Hotshots sa ilang engkuwentro sa PBA Philippine Cup bubble play karong adlawa didto sa AUF Sports Arena sa Angeles City, Pampanga.
Ang duwa sugdan sa alas-4 sa hapon.
Ang kanhi lider nga Rain or Shine napilde katulo sa katapusan nilang upat ka duwa, samtang ang Magnolia naghaguros uban ang upat ka sunod-sunod nga daog.
Ang duha ka kampo parehong nanginahanglan og krusyal nga daog aron pahugtan ang ilang kampanya nga makasud sa playoffs.
Human gipilde sa Alaska Aces, NLEX Road Warriors ug Meralco Bolts, ang Elasto Painters nalagpot gawas sa Top 4.
Bitbit ang 4-3 record, ang E-Painters duna pa hinuo'y tsansa nga makasud sa Top 4 nga dunay twice-to-beat incentive sa quarterfinals kon modaog sila sa katapusan nilang upat ka duwa batok sa Magnolia, Blackwater Elite, TNT Tropang Giga ug Phoenix Super LPG.
- Latest
