De la Hoya wa'y gihahadlokan
CEBU, Philippines — Seryoso si Hall of Famer ug kanhi six-division world champion nga si Oscar de la Hoya sa iyang ring comeback nga opisyal niyang gipahibawo niadtong Agosto.
Si De La Hoya (39-6, 30 KOs) katapusang miaway isip propesyonal niadtong Disyembre 2008 diin siya gipasurender ni Manny Pacquiao didto sa MGM Grand sa Las Vegas.
Naengkuwentro ni De la Hoya ang tanan nga mga banggiitang boksidor sa iyang panahon.
Sa wa'y pamilok, si De la Hoya miproklamar nga andam siyang buhaton kini og usab kon ugaling moaway na siya og balik human sa 12 ka tuig nga pahuway.
Matud pa ni De la Hoya nga wala siya'y gihakadlokan ug andam siyang harungon kon kinsa man gani ang iparang kaniya sa iyang pagbalik. Mapasigarbuhon sab nga gipadayag ni De la Hoya nga nakuhaan na siya og 20 ka libras (dul-an 10 kilo) sukad siya nagsugod og training agi'g pangandam sa iyang pagsaka og balik sa ring nga plano niyang pagabuhaton sud sa unang kuwarter sa 2021.
- Latest
