Pamilya gisandigan ni Norwood

CEBU, Philippines — Panahon sa kalisdanan, ang pamilya maoy labing maayo nimong kadangpan.

Susama sa uban taliwala ning pandemiya, si Gabe Norwood nakat-on kon usa kamahinungdanon ang pamilya nga anaa sa imong kiliran

Natanggong sa ilang balay sa miaging lima ka bulan kay wa'y aksiyon ang PBA tungod sa kalibutanong krisis panglawas, ang beteranong batos sa Rain or Shine nakagahin og igong panahon sa iyang asawa ug mga anak nga sulagma kaayo niyang gibuhat kon dunay kumbati sa liga.

Ang maong oportunidad nakapalig-on sa iyang relasyon uban sa minahal sa iyang kinabuhi. Nakatabang sab kini kaniya pagsugakod ning krisis sa pisikal ug mental nga aspeto sa iyang pagkatawo.

"Really valuing family time and having the opportunity to kind of mend relationships, any quarrels or any confrontations that you have before. There's enough opportunity, enough time in the day to make it right," sumala pa ni Norwood.

Gikalipay sa 35-anyos nga si Norwood ang iyang ginabuhat karon uban sa iyang mga anak nga nakaagak kaniya aron magpabiling aktibo ning panahona.

"Just staying indoors and doing all that I can to take care of my boys and my wife," paambit pa ni Norwood.. "Having three young boys, three young kids is a workout in itself, so I like to think that I'm getting my cardio just chasing them around the house.