De los Santos outstanding alumni sa springdale

Cebu, Philippines — Human nakabira og duha ka sagunson nga gold medals sa miaging international competition nga iyang gisalmotan, padayon nga nakaangkon og dungog ang tang-an nga Sugboanong karateka nga si Orencio James Virgil G. De los Santos human siya ginganlan nga usa sa Most Outstanding Alumni sa PAREF Springdale School, Inc.

Si De los Santos nga maoy numero unong karateka karon sa nasud, maoy outstanding alumnus sa Springdale alang sa Batch 2008.

Walo ka higayon nga nahimong national champion, si De los Santos nakatunol sab og duha ka bronze medals alang sa Pilipinas sa Southeast Asian (SEA) Games niadtong 2015 ug 2017.

Ning bag-o lang, si De los Santos na-headlines sa mga local ug national nga pamantalaan gumikan sa impresibo niyang salida sa mga virtual kata tournaments nga iyang giapilan.

Human nakamina og bulawan sa Balkan Open niadtong Agosto 3, padayong miratsada si 

De los Santos pinaagi sa pagpukan sa karibal niyang world No.1 nga si Eduardo Garcia sa Portugal sa labing unang higayon sa tulo nila ka finals showdown aron dominahon ang Athlete's E-Tournament nga giorganisa sa Russia niadtong Miyerkules.

Mao kadto ang ikaupat niyang gold medal uban ang ang usa ka silver ug usa ka bronze sa 13 ka mga torneyo nga iyang gisalmotan sa milabay'ng upat ka bulan sukad sa sports lockdown gumikan sa pandemiya.

Si De los Santos malipayon ug mapasigarbuhon nga mismo ang pinangga niyang tunghaan ang miila sa iyang kabanggiitan sa  natad sa paugnat sa kusog.

"Being a part of Springdale family has truly been a blessing for me and it is something that I can be really proud of. This institution has taught me a lot of valuable lesson that I still uphold in my everyday life. Springdale has also strengthened me mentally, and spiritually," matud pa ni De los Santos.

 "I still live by the motto of my alma mater "Bene Omnia Facere", which means do all things well and that is the reason why I have accomplished all the achievements that I have today. And also Springdale has strengthened me spiritually by keeping me closer to God because I know for the fact that without God, nothing would be possible. Once again thank you Springdale for instilling all these values in me and I will continue to apply them in my everyday life," dugang pa niya.