Tag-iya sa mavs moapil og protesta
CEBU, Philippines — Ang tag-iya sa Dallas Mavericks nga si Mark Cuban namahayag nga moapil siya sa pagahimuong protesta pinaagi sa pagluhod sa iyang team kabahin sa "racism" ug "social justice".
Dungan niini, giawhag ni Cuban ang mga players nga ipabuhagay ang ilang sentimento ning labing init nga isyu nga dugay nang mihamok sa Amerika. "I'd be proud of them. I'd join them," matud pa ni Cuban."We've learned a lot. We've evolved. I'll stand in unison with our players and whatever they choose to do."
Kabahin sa planong pagbalik sa aksiyon sa NBA sunod bulan, dili pa hinuon segurado si Cuban kon daghan ba nga mga players ang dili mobutho.
"Hopefully guys will want to play, but it really comes down to them," dason pa ni Cuban. Pipila ka mga NBA players ang supak sa plano sa liga nga tiwason ang nahunong niining season sugod karong Hulyo didto sa Disney Resort sports complex sa Orlando, Florida. Apil na niini sila si Dwight Howard sa LA Lakers ug Kyrie Irving sa Brooklyn Nets.
- Latest
