Ajordan mihimo kulba nga "comeback"

CEBU, Philippines — Si NBA legend Michael Jordan misuwat sa usa sa labing ngilngig nga 'comeback' sa kasaysayan sa sports.

Human gipangulohan ang Chicaco Bulls ngadto sa makasaysayanong grandslam title sa NBA niadtong tuig 1991 ngadto sa 1993, gipakuratan ni Jordan ang kalibotan sa basketbol human siya miaunsiyo sa iyang pagretiro.

Niadtong panahona, si Jordan nagkanayon nga nawad-an siya og gana nga moduwa gumikan sa pagkamatay sa iyang amahan nga si James Sr. ug gusto niyang mohimot og laing butang.

Si Jordan misuway og baseball ug nahatagan og kontrata sa minor league uban sa Chicago White Sox, apan wala makalupad ang iyang karera sa maong matang sa paugnat sa kusog.

Laktod pagka sulti, basketbol ang kinabuhi ni Jordan.

Mao kini ang hinungdan nganong mibalik siya sa korte. Naglagiting na sab nga kalampusan ang natagamtaman ni Jordan human iyang gihungitan ang Bulls og dugang tulo ka kampiyonato niadtong 1996, 1997 ug 1998.

Apil ang usa niya ka tuig uban sa Washington Wizards diin siya mitapon ubos sa No. 45 niadtong 2001 human sa ikaduha niyang pagretiro, si Jordan nakaduwa og 15 ka seasons sa NBA sa kinatibuk-an. Gikuha siya sa Bulls isip No. 3 overall pick niadtong 1984 Draft. Ang mabulukon niyang karera nga naghatod kaniya og unom ka Finals MVP, lima ka regular season, unom ka titulo, 14 ka All-Star selections, tulo ka All-Star MVP ug 10 ka scoring titles. Sakop sab siya sa US Dream Team nga makadaog og gold medal niadtong 1992 Barcelona Olympics.

Kining tanan testamento sa pag-ila ni Jordan isip labing ngilngig ug labing banggiitan nga basketbolista sa kasaysayan.