Tommy Manotoc wala midawat og suweldo

CEBU, Philippines — Walay suweldo si legendary coach Tommy Manotoc sa dihang iyang gipakampiyon ang U-Tex sa PBA niadtong 1978 sa dihang tres anyos pa lamang ang liga ug ingon man niadtong 1980.

Mao sab gihapon kini ang nahitabo sa dihang iyang gigiyahan ang Crispa Redmanizers sa ikaduha niining grandslam title niadtong 1983 PBA season. Apan iya kining kabubut-on.

Si Manotoc nagkanayon nga siya mismo ang mibalibad nga siya suweldoan sa U-Tex ug Crispa sa maong mga higayon.

Mipasabot si Manotoc nga wala siya modawat og suweldo kay dako man kaayo siya og kita sa iyang gitrabahoan nga patigayon nga nagbasi sa Hong Kong nga maoy tigsuplay og gapas sa U-Tex ug Crispa.

Gibutyag hinuon ni Manotoc nga gidawat niya ang mga bonus gikan sa maong mga teams nga iyang gidala, apan iya ra sab dayon kini ihatag sa iyang amahan.