Pingris inspirasyon si Taulava
CEBU, Philippines — Dunay gikumpisal si Marc Pingris. Ang walay pagbahar nga si Asi Taulava maoy iyang idolo ug inspirasyon sa pag-agi niya sa dalan ngadto sa malampusong karera sa PBA.
Gipadayag kini sa beteranong Magnolia forward atol sa ikatulo ug katapusang bahin sa PBA Kamustahan Episode 1 diin ang matag dinapit giawhag nga ihulagway ang kauban nilang mga players.
Si Taulava, ang 47-anyos nga sentro sa NLEX, apil sa maong 30 minutos nga podcast uban nilang Pingris, six-time MVP June Mar Fajardo sa San Miguel, Beau Belga sa Rain or Shine, Poy Erram sa TnT Katropa ug PBA commissioner Willie Marcial.
Sa dihang turno na ni Pingris ang paghatag og mensahe ni Taulava, mitagak siya og usa ka dakung surprisa.
"Asi you don't know this, but you're my idol," dason pa sa 38-anyos nga si Pingris segun sa tao sa PBA.ph. "I used to watch you play in the PBL (Philippine Basketball League). Grabe, you're so strong, you're a monster."
"You're my idol, you're the best bro," dugang pa niya. "Siguro noon, si Asi yung Shaquille O'Neil ng PBA."
- Latest
