Manganti malaki ang maitutulong sa NorthPort
MANILA, Philippines — Kumpiyansa si head coach Pido Jarencio sa malaking kontribusyon ang maibibigay ni rookie Sean Manganti para sa kampanya ng NorthPort sa Philippine Basketball Association.
Sa pagdating ng dating star forward ng Adamson Falcons sa kampo ng Batang Pier ay makakasama niya sina 2019 Mythical Five awardee Sean Anthony at Kevin Ferrer sa wing rotation.
“Swak naiwan para sa amin si Sean Manganti,” pahayag ni Jarencio sa kanilang No. 8 overall pick. “Tamang-tama si Sean for the three-spot. Biglang lumalim ang wing rotation namin.”
Kasama si Manganti, nagposte ng mga career averages na 14.3 points, 4.7 rebounds, 2.4 assists at 1.3 steals, ay tatlong beses nakapasok ang Falcons sa UAAP Final Four.
“He was on our radar and much to our surprise he was still available when we’re to pick at No. 8,” ani Jarencio kay Manganti na nahugot nila matapos pumili ang Columbian (Roosevelt Adams), Blackwater (Maurice Shaw), NLEX (Mike Ayonayon), Alaska (Barkley Ebona), Rain or Shine (Adrian Wong, Clint Dolingues at Prince Rivero).
Bukod kay Manganti ay hinablot din ng Batang Pier si playmaker Renzo Subido ng University of Santo Tomas Tigers.
- Latest
