Cone, Uichico miabiba sa desisyon ni Kai Sotto

CEBU, Philippines — Sila si Tim Cone ug Jong Uichico pipila sa dekalibreng mga coaches sa nasud nga miabiba sa desisyon ni Kai Sotto. Niadtong Lunes, ang 7--foot-2 nga si Sotto mipahibalo nga dili na siya moduwa pa sa kolehiyo kay buot niining molayat diretso sa NBA G-League nga maoy tighulma sa umaabot nga mga NBA players.

Ang maong lakang kabahin sa damgo ni Sotto nga mahimong labing unang Pinoy nga basketbolista nga makaduwa sa NBA.

Matud pa ni Cone nga ang lakang ni Sotto makahatag kaniya og higayon nga mapalambo pa og maayo ang iyang abilidad.

Alang ni Cone nga kaduha na-grandslam sa PBA, mao sab kini ang labing nindot nga dalan ni Sotto paingon sa gihandum niyang makaduwa sa NBA.

Sa iyang bahin, si Uichico nanghinaut nga makaani og maayong bunga ang desisyon ni Sotto ilabi na kay alang kini sa garbo ug dungog sa nasudnong Pilipinhon.