PSC mikansela sa PNG, batang Pinoy
CEBU, Philippines — Gikan sa pagkasibog, ang Philippine National Games ug ingon man ang Batang Pinoy opisyal nang kanselado karong tuiga.
Mao kini ang gikompirmar ni Guillermo Iroy Jr., ang project director sa PNG ug Batang Pinoy, sa tinguha nga abagan ang kampanya sa kagamhanan nga malikayan ang pagkuyanap sa coronavirus pandemic.
“Pursuant to the Proclamation No. 922 declaring a State of Public Health Emergency throughout the Philippines and the evolving COVID-19 situation in the country, the Philippine Sports Commission informs the public that the PNG and the Batang Pinoy for this year have been cancelled,” matud pa ni Iroy.
Ang desisyon sa PSC miabot usa ka semana human ang Department of Education midesisyon nga ikanselar ang 2020 Palarong Pambansa. Gumikan niini, ang tanang tulo ka labing dagko nga mga kompetisyon sa nasud dili mahitabo ning tuiga.
- Latest
