NBA miuswag sa draft lottery ug draft combine
CEBU, Philippines — Gisibog sa NBA ang tinuig nilang draft lottery ug draft combine, apan wala mohatag og indikasyon kon plano ba usab kini nilang pagabuhaton unya sa 2020 NBA Draft.
Ang lottery gikatakda unta karong Mayo 19, samtang ang draft combine karong Mayo 21.
Wala pa sa'y klaro sa pagka karon kon madayon ba ang NBA Draft karong Hunyo 25, apan gitaho sa ESPN nga ang Board of Governors plano sab nga iuswag sab kini ngadto sa laing petsa. Gitaho sab sa ESPN nga ang pagsugod sa sunod NBA season lagmit masibog sab ngadto sa Disyembre imbes sa Oktubre segun sa naandan niining iskedyul.
"The NBA continues to closely monitor the coronavirus pandemic and consult with infectious disease specialists, public health experts and government officials," segun pa sa NBA sa opisyal niining pamahayag.
- Latest
