Suweldo sa NBA players kaltasan
CEBU, Philippines — Ang NBA ug ang unyon sa mga players niini nagkauyon sa plano nga kaltasan ang suweldo sa mga players kon ugaling permanente nga makanselar ang mga duwa taliwala nilang COVID-19 pandemic.
Dungan niini, si NBA commissioner Adam Silver namahayag nga nagpabiling walay klaro kon kanus-a ang liga makahulma og plano kabahin sa pagpabalik sa aksiyon sa liga.
Sa dihang nahinabi sa mga tigbalita pinaagi sa usa ka conference call atol sa bisperas sa adlaw sa pagsud unta sa NBA playoffs, si Silver nagkanayon nga dili pa sila andam nga motakda og petsa kon kanus-a sila makahukom nga dili na lang tiwason ang season.
Segun sa ilang nag-uyonan, kuhaan og 25 porsiyento ang matag suholan sa mga players sugod karong Mayo.
Ang NBA misuspenso sa kasamtangan niining season niadtong Marso 11 human ang sentro sa Utah Jazz nga si Rudy Gobert nagpositibo sa COVID-19.
- Latest
