Kobe gihinumduman
CEBU, Philippines — Gihinumduman si anhing Kobe Bryant sa iyang kapikas nga si Vanessa atol sa anibersaryo sa iyang pagpanimilit sa NBA upat ka tuig na ang milabay.
Pinaagi sa Instagram post, gilab-as ni Vanessa ang mga nindot nga kaagi ni Kobe atol sa mabulukon niining 20 ka tuig nga karera uban sa Los Angeles Lakers.
"My husband worked his ass off for 20 years," suwat pa ni Vanessa Bryant kabahin sa iyang bana nga namatay niadtong Enero 26 sa helicoper crash kauban ang lain pang walo ka tawo, apil ang 13-anyos nilang anak nga si Gianna.
"Gave it his all. All he wanted was to spend time with our girls and me to make up for lost time. He wanted to be there for every single milestone and special moment in our girls lives," dugang pa ni Vanessa.
Ang post ni Vanessa dunay video diin makita ang maanindot nga salida ni Kobe atol sa 101-96 nga kadaogan sa Lakers batok sa Utah Jazz niadtong Abril 14, 2016.
Si Bryant miiskor og 60 puntos sa katapusan niyang duwa sa NBA nga naglangkob og lima ka kampiyonato.
- Latest
