Mama ni Towns namatay gumikan sa virus
CEBU, Philippines — Si Jacqueline Towns, ang inahan ni Minnesota Timberwolves All-Star center Karl-Anthony Towns, namatay kagahapon gumikan sa komplikasyon sa coronavirus.
Mao kini ang subo nga balita nga gikompirmar sa Wolves management.
"Jackie, as she was affectionately known among family and friends, had been battling the virus for more than a month when she succumbed on April 13th," matud pa sa Timberwolves sa usa ka pamahayag.
"Jackie was many things to many people -- a wife, mother, daughter, grandmother, sister, aunt, and friend. The matriarch of the Towns family, she was an incredible source of strength; a fiery, caring, and extremely loving person, who touched everyone she met."
Niadtong Marso 25, si Karl-Anthony Towns mi-post og emosyonal kaayong video sa iyang Instagram diin iyang gihulagway ang pagkiggubat sa iyang inahan batok sa gisuspetsa nga COVID-19.
Ang 24-anyos nga si Towns miawhag sa iyang mga social media followers nga seryusohon og maayo ang isyu ug sa kanunay pagasundon ang mga lagda ilabi na sa social distancing ug uban pang pahimangno sa kagamhanan aron malikayan ang pagkuyanap sa virus.
- Latest
