PBA star Ranidel de Ocampo miretiro
CEBU, Philippines — Gumikan sa nagkadaiyang injury nga mihamok kaniya sa milabay'ng mga katuigan, ang beteranong bigman ug kanhi magduduwa sa Gilas Pilipinas nga si Ranidel de Ocampo moretiro na sa PBA.
"Paalam na sa basketball," matud pa ni De Ocampo sa dihang mi-guest siya sa Facebook show nga 2OT Live nilang sportscasters Carlo Pamintuan ug Magoo Marjon niadtong Lunes.
"Talagang naging buhay ko ang basketball simula 14 years old. Nagpapasalamat ako kay Lord at binigyan Niya ako ng magandang career at ayun, siguro, time na para matapos na ang pagiging player, siguro ibang landas na ang tatahakin natin," dugang pa niya.'
Ang 38-anyos nga si De Ocampo nakadaog og unom ka titulo sa PBA sukad siya nahimong pro niadtong 2004 diin siya gibira nga No. 1 overall pick sa FedEx sa PBA Draft.
Dako sab siya og natabang sa kampanya sa Gilas Pilipinas niadtong 2013 FIBA Asia Championship, apil na niini ang paglansang og krusyal nga tres nga maoy nakahatag sa Pilipinas og luna sa 2014 FIBA World Cup. Ang 6-foot-6 nga forward nagsugod sa iyang karera sa PBA uban sa FedEx (2004-2008) ug dayon miduwa sud sa 10 ka tuig uban sa TNT KaTropa sa wala pa siya gi-trade ngadto sa Meralco Bolts niadtong 2017.
- Latest
