Isa pang Fil-Am sumali rin sa NBA Rookie Draft
MANILA, Philippines — Sumalang na rin sa 2020 NBA Rookie Draft ang isa pang Fil-American collegiate player na si Romello White ng Arizona State University.
Ang 6-foot-8 na si White ang ikalawang ASU cager at Fil-Am na nagsumite ng aplikasyon para sa rookie draft na nakatakda sa Hunyo.
“I would like to announce I have decided to submit my name to the NBA draft committee in order to receive feedback as I aim to pursue my lifelong dream of playing in the NBA,” wika kahapon ni White.
Nagposte si White ng mga averages na 10.2 points at 8.8 rebounds per game para sa kampanya ng ASU Sun Devils sa US NCAA.
Hangad nina White at Martin na sundan ang mga yapak ni Jordan Clarkson ng Utah Jazz.
Noong 2019 ay hindi naisama ng Samahang Basketbol ng Pilipinas si Martin, ang ina ay si Mary Anne Bagtas Macaspac, sa Gilas pool para sa FIBA World Cup sa China bunga ng eligibility issue.
- Latest
