Pinoy athletes makadawat allowance sa PSC
CEBU, Philippines — Gumikan sa COVID-19 pandemic, sagad sakop sa national team napugos pag-train sa kaugalingon nilang pamaagi sa ilang balay sa kasamtangan.
Dili sila angayan nga mabalaka nga dili mahatagan sa binulan nilang allowance.
Matud pa ni Philippine Sports Commissioner Ramon Fernandez nga padayong ihatag sa PSC ang binulan nga sustento sa PSC ngadto sa mga atleta taliwala ning krisis panglawas nga gisagubang dili lamang sa nasud, apan sa tibuok kalibotan.
"Yes, they will continue receiving their monthly stipend while training on their own, staying in shape," matud pa ni Fernandez segun sa taho sa The Philippine STAR, igsuong mantalaan sa Banat News. "The safety of everyone is our main concern right now."
Puwera na lang niadtong mga nahibilin gumikan kay wala kalukat og tiket aron makapauli sa tagsa-tagsa nila ka mga dapit gumikan sa pag-implementar sa "enhanced community quarantine" sa miaging semana, gisira sa PSC ang mga pasilidad niini sa training ug mga dorms sa Rizal Memorial Sports Complex sa Manila ug PhilSports Arena sa Pasig City.
Ang mga sakop sa Philippine para team nga nangandam sa 10th ASEAN Para Games nga tentatibong gikatakda karong Oktubre makadawat og susamang prebiliyo sa kauban nilang mga national athletes. Apil na niini sila si swimmer Ernie Gawilan, ang labing unang Pinoy nga qualifier sa Tokyo Paralympics ug Asian Para Games chess gold medalists Sander Severino ug Henry Lopez.
"We're thankful to the PSC because we continue to receive our monthly allowance even though we’re training at home," sumala pa ni Severino. "But we’'e training as hard, if not harder, in our own home so that the money being spent for us will not go to waste."
- Latest
