Hodge, Ross mitabang kawsa ni Cariaso

CEBU, Philippines — Ang mga PBA players nga sila si Cliff Hodge ug Chris Ross misaad nga motabang sa inisyatiba ni Alaska head coach Jeff Cariaso nga molekta og pundo aron i-ayuda sa mga personnel sa liga.

Uban ang tinguha nga makahatag og suweldo niadtong mga trabahante sa PBA nga inadlaw ang suweldo nga maoy labing apektado sa pagka-suspenso sa liga gumikan sa COVID-19 pandemic, si Cariaso misaad og P100,000 hinabang pinansiyal. Dungan niini, iyang gidasig ang ubang mga players ug coaches pagbuhat sa ingon.

Si Hodge maoy unang mitubag sa imbitasyon ni Cariaso.

Gisuspenso sa PBA ang kasamtangan niining season sugod niadtong Marso 11 gumikan sa hulga sa coronavirus.