Flores Cousins mitaak sa ABL finals
CEBU, Philippines — Gipilde sa Flores Cousins ang Jiclor sud sa overtime, 92-85 aron moabante sa 30-above division finals sa 1st Amicis Basketball League (ABL) season didto sa Consolacion Sports Complex.
Si Simon Praca mibahog og 24 puntos, samtang si Sakuragi Cayanong midugang og 17 puntos alang sa Flores Cousins nga moduwa sa kampiyonato batok sa Thor Olshoppe karong Sabado, Marso 21.
Nagtabla sa iskor nga 80-80 human sa regulasyon, gilimitahan sa Flores Cousins ni Atty. Paulo Sucalit ang Jiclor ngadto lamang sa singko puntos.
Si Bos Dhan mitapos uban ang 18 puntos ug 14 ka rebounds, samtang sila si Larry Malagar ug Andrew Tabares mipupo og 14 puntos matag usa alang sa Flores Cousins.
Si Elbert Malagar mitagak og 27 puntos, samtang si Loui Malagar dunay 23 puntos, apan nakawang ang ilang paningkamot sa habig sa Jiclor.
Ang mga duwa sa labing unang ABL season nga gipaluyohan sa North Sports Apparel, VDrink Malunggay Juice, Fighter 50 Wine ug Consolacion LGU ubos sa liderato ni mayor Joyjoy Alegado ubos sa superbisyon ni commissioner Lee Mar Dahil inabagan ni technical committee chief Aurelio Eslawan.
- Latest
