Basilan, San Juan nakauna
MANILA, Philippines — Sinorpresa ng third seed Basilan Steel ang top seed Davao Occidental Tigers, 74-72 habang tinambakan naman ng San Juan Knights ang Makati Super Crunch, 76-60, sa Game 1 ng magkahiwalay na best-of-three Division Finals ng 2019-2020 MPBL-Chooks-to-Go Lakan Cup sa magkahiwalay na venue.
Umiskor si Hesed Gabo ng floater at sinundan ng pivotal block ni Jay Collado sa return play upang iangat ang Basilan sa 1-0 bentahe kontra sa Davao Tigers sa kanilang Southern Division Finals na ginanap sa Davao del Norte Sports Complex sa Tagum City.
Angat pa ang Tigers, 73-72, sa triple ni June Mocon, ngunit agad bumida si Gabo sa harap mismo ni Mark Yee ng Davao para bawiin ang bentahe mahigit siyam na segundo na lamang ang natitira para bigyang daan ang malaking panalo ng Basilan at humakbang ang isang paa tungo sa pag-angkin ng South division title.
Sa North Division Finals naman, humataw si Jhonard Clarito ng 19 puntos at 18 rebounds, apat na assists at dalawang steals para pangunahan ng nagdedepensang San Juan Knights ang kanilang North Division Finals, 1-0 kontra sa Makati Super Crunch.
- Latest
