UV lancers misakmit PCCL Vis/Min title

CEBU, Philippines — Gibuntog sa University of the Visayas (UV) Green Lancers ang reigning Cebu Schools Athletic Foundation, Inc.

(CESAFI) champion Southwestern University (SWU)-Phinma Cobras, 76-67 aron dominahon ang Escandor Cup-Philippine Collegiate Champions League (PCCL) Vis/Min Championship niadtong Miyerkules didto sa Lamberto C. Macias Sports and Cultural Complex sa Dumaguete City.

Tam-is nga panimalos ang gihimo sa Lancers batok sa Cobras nga maoy miputol sa tulo ka tuig nilang paghari sa

CESAFI Basketball sa miaging tuig.

"Ang hard work ug will to win sa team maoy nakapadaog namo," matud pa ni Lancers coach Gary Cortes.

Alkansi ang Lancers og dos puntos sa sayong bahin sa iskor nga 19-21, apan miresbak sa tunga-tungang mga kuwarter

aron kontrolahon ang duwa, 58-53  sa hingpit.

Nakasustinir ang Lancers sa ilang kainit sa endgame dayon na sa pagkutlo og nuybe puntos nga kadaogan.

Gumikan niini, ang Lancers nakaangkon og katungod nga mohagit sa walay pildeng UAAP champion Ateneo Blue

Eagles sa Final 4 sa PCCL National Collegiate Championship ugmang adlawa didto sa Ynares Sports Center sa Pasig City.

Ang modaog makigharong sa University of the Philippines (UP) Maroons o sa San Beda Red Lions sa kampiyonato.

Mao kini ang ikalimang sunod-sunod nga pagtikang sa UV sa PCCL Final 4 ubos sa pagtimon ni Cortes.

Ang Lancers mi-abante sa kampiyonato niadtong 2018, apan gilabhan sila sa Ateneo, 95-71.