TNT gibantayan ni Cone

CEBU, Philippines – Gitan-aw ni multi-titled coach Tim Cone sa Barangay Ginebra Kings ang TNT KaTropa nga maoy mamahimo nilang karibal alang sa kampiyonato sa PBA Philippine Cup nga buksan karong semanaha.

Si Cone miingon nga sa pagkawala ni Junemar Fajardo ug pipila pa ka mga sinaligan sa San Miguel Beermen tungod sa injury, migawas ang TNT nga maoy hugot nila nga karibal.

“TNT is going to be a favorite,” matud ni Cone sa Spin.ph.

Si Cone mitug-an nga ang TNT adunay gidak-on nga makahagit kanila ilabi na nga wala na nila ang star center nga si Greg Slaughter kinsa kalit miretiro sa liga.