Lakers, King James miluglog sa Pelicans

CEBU, Philippines – Gipakita ni three-time NBA champion LeBron James sa Los Angeles Lakers ang iyang kadominante atubangan ni Zion Williamson,  ang 'super rookie sa New Orleans Pelicans.

Si James mirehistro og season-high 40 points uban ang walo ka rebounds aron bidahan ang Lakers nga milatos sa Pelicans, 118-109, kagahapon didto sa Staples Center sa Los Angeles, California.

Sa pagsud niya sa NBA, si Williamson gihulagway nga maoy mosunod ni James tungod sa abilidad niini, apan ang 35-anyos nga si NBA superstar mihatag og leksyon sa 20-anyos nga rookie dihang iya kini giwani kapila ka higayon.

Si Williamson maoy nangulo sa Pelicans uban ang 29 puntos.

Si Anthony Davis mitampo og 21 puntos ug 14 ka rebounds, samtang ang veteran nga si Danny Green mitira og 17 puntos.

Ang kanhi Lakers nga si Brandon Ingram maoy topscorer sa Pelicans nga mitusik og 35 puntos.

Sa maong kadaogan, ang Lakers mipalig-on og samot sa ilang kupot sa no. 1  spot sa Western Conference standing sa baraha nga  44-12. Sa ilang bahin ang Pelicans (25-33) anaa sa ika-10 nga dapit ug nanghinaut nga makahimo og winning-streak aron makahirit sila sa top 8.