Middleton, Embiid nagmangtas
CEBU, Philippines — Nagmangtas sila si Khris Middleton ug Joel Embiid aron agakon ang tagsa-tagsa nila ka mga koponan ngadto sa kadaogan.
Didto sa Washington, si Middleton mipabuhagay og 40 puntos alang sa Milwaukee Bucks nga nakasugakod sa gipabutong 55 puntos ni Bradley Beal aron pakgangon ang Wizards sud sa overtime, 137-134.
Nagkaproblema hinuon ang Bucks human ma-fouled ang ilang superstar nga si Giannis Antetokounmpo sa nahibilin nga 1:36 sa fourth quarter.
Gani mikolapso sila human naglabaw og 20 puntos, apan salamat ni Middleton ug ingon man sa suporta nilang Eric Bledsoe ug Robin Lopez, ang Bucks nakamaneho pagtugkad sa kutas nga kadaogan.
Didto sa Philadelphia, si Joel Embiid miiskor og career-high 49 puntos aron pangulogan ang 76ers nga mibihag sa Atlanta Hawks, 129-112.
Dominante kaayo ang 76ers nga naglabaw og 21 puntos sa unang kuwarter dayon na sa pag-inat sa ilang record ngadto sa 27-2 didto sa ilang homecourt.
Naglabaw unta ang Hawks human sa tulo ka kuwarter, 92-91, apan ang 76ers mitagak og 38-20 nga bomba sa final nga 12 minutes aron dagiton ang Atlanta.
Sa laing mga duwa, si James Harden miratsada og 37 puntos sa dihang gipakaging sa Houston Rockets ang New York Knicks, 123-112, samtang ang Cleveland Cavaliers nakaipsot batok sa Miami Heat sa overtime sa iskor nga 125-119.
- Latest
