Santisima salig modaog
CEBU, Philippines – Masaligon si ALA Boxing Gym Jeo Santisima nga modaog siya ug mailog ang WBO superbantamweight title batok sa mas dako ug beteranong world champion nga si Emmanuelle Navarette sa ilang sangka karong Domingo didto sa Las Vegas.
Ang sangka nila ni Santisima ug Navarette usa sa mga supporting bout sa giatngan nga rematch tali sa duha ka heavyweight superstars nga sila si Tyson Fury ug Deontay Wilder.
Sila si Santisima ug Navarette nag-abot sa labing unang higayon kagahapon atol sa final press conference diin nakita ang bentaha sa gidak-on sa Mehikano.
Si Navarette gikahadlokan sa 122 lbs. division. Aduna kini rekord nga 30-1, 26KOs, samtang si Santisima adunay 19-2, 16KOs nga baraha.
Bisan og giisip siya nga underdog, si Santisima nga lumad taga-Masbate gusto mohimo og upset nga kadaogan.
"That's how they look at it, that I'm the underdog in this fight, because my opponent is experienced and big," matud ni Santisima sa RingTV. "But I'm not affected by the bashers. I'm using it for my inspiration to be tough when it comes to the fight."
Ang head trainer ni Santisima nga si Michael Domingo miingon nga gamiton nila ang kusog nga body punches ni Santisima aron mapaundang si Navarrete.
Si Santisima mihimo sa katapusang niyang training didto sa Wild Card Gym ni Freddie Roach nga usa usab sa mga nakapadako sa kompiyansa sa Pinoy boxer.
- Latest
