Gianna gipasidunggan sa kanhi tunghaan
CEBU, Philippines – Daghan na kaayo ang gihimong pagyukbo ug pagpahinungod nilang Kobe ug Gianna Bryant sukad sa makapakurat nilang kamatayon.
Ang labing uwahi mao ang seremonyas sa pagretiro sa jersey ni Gianna didto sa Harbor Day School diin ang 13-anyos nga dalagita kanhi nagtungha.
Ang maong emosyonal nga kalihukan gipaambit ni Vanessa Bryant pinaagi sa iyang Instgram account.
Mga buwak ug balloons midayan-dayan sa jersey ug hulagway ni Gianna nga sakop sab sa student council sa maong tunghaan.
Wala kapugngi sa nagbangutan nga inahan nga si Vanessa ang pagpabuhagay sa gibati niyang kamingaw sa iyang anak.
"My Gianna. God I miss you. I've been so lucky to have woken up to see your gorgeous face and amazing smile for 13 years. Wish it would've been until my last breath. Mommy loves you to the moon and back. Infinity plus 1," suwat pa ni Vanessa sa iyang IG. "My Gigi. I love you! I miss you. You've taught us all that no act of kindness is ever too small. Mommy is still and will ALWAYS be proud of you mambacita."
Si Gianna ug ang iyang amahan nga si NBA legend Kobe Bryant namatay uban ang lain pang pito ka tawo human mahagsa ang gisakyan nilang helicopter didto sa bukirang bahin sa Calabasas, California niadtong Enero 27.
- Latest
