Duwa sa Alab gikanselar
CEBU, Philippines — Gikanselar sa kadagkoan sa Asean Basketball League (ABL) ang giatngan nga home game sa Alab Pilipinas batok sa Macau Black Bears kagahapon tungod sa kabalaka sa sakit nga Novel Corona Virus diin aduna na'y pipila ka kaso nga nakaplagan sa nasud.
Dili lang ang Alab-Macau match, ang ABL mikanselar sab sa 15 ka duwa sa maong torneyo nga nagbasi sa Asya diin grabe ang pagkuyanap sa gikahadlokang virus.
Ang Alab kasamtangan nga anaa sa ikaduhang dapit sa standing sa ilang 8-4 win-loss record.
Si Alab coach Jimmy Alapag mitug-an nga naghinam-hinam na unta sila nga moduwa atubangan sa mga Pinoy fans didto sa Sta. Rosa Sports Complex sa Laguna, apan gihangop nila ang desisyon sa kadagkoan sa ABL tungod usab sa risgo sa corona virus.
- Latest
