Westbrook, Lowry mangu sa All-Star reserves

CEBU, Philippines — Sila si Chris Paul sa Oklahoma City Thunder ug Russell Westbrook sa Houston Rockets maoy mangu sa Western Conference reserves alang sa 2020 NBA All-Star Game sunod bulan didto sa Chicago.

Mao kini ang ika-10 nga pagsalida ni Paul sa All-Star ug ikasiyam nga higayon alang ni Westbrook.

Ubanan sila ni Damian Lillard sa Portland Trail Blazers, Nikola Jokic sa Denver Nuggers, Brandon Ingram sa New Orleans Pelicans ug Utah jazz teammates Donovan Mitchell ug Rudy Gobert

Sa Eastern Conference, sila si Kyle Lowry sa Toronto Raptors ug Ben Simmons sa Philadelphia 76ers maoy nag-una sa listahan sa mga reserves. Makig-uban si Lowry sa iyang teammate nga si Pascal Siakam.

Naglangkob sab sa mga East reserves mao sila si Jimmy Butler ug Bam Adebayosa Miami Heat, Kris Middleton sa Milwaukee Bucks, Jayson Tatum sa Boston Celtics, ug Domantas Sabonis sa Indiana Pacers.

Sila si Giannis Antetokounmpo sa Milwaukee Bucks ug LeBron James sa LA Lakers maoy team captains sa tagsa-tagsa nila ka mga kampo.